Тәтті махаббатым

Айғаным Амантай

Aлыстап сағындыр мейлі,
Бәрі де жарасады.
Жүрекке әмір жүрмейді,
Кім оған таласады?!

Сені ойлап елеңдеп келдім,
Сен жақта бақ-мекенім.
Өзің-ақ дәлелдеп бердің,
Махаббат тәтті екенін!

Тәп-тәтті махаббатым,
Жүректе сақталатын,
Мәңгіге сенің атың-ай!

Тәп-тәтті махаббатым,
Жүректе жатталатын,
Мәңгіге сенің атың-ай!

Қағайық арманға қанат,
Уақытты ұрламайық.
Шын сүйген жандарға қарап,
Екеуміз үлгі алайық!

Жанымды бағалап түсің,
Бір ғана тілегіміз.
Соқсыншы махаббат үшін,
Жұп болып - жүрегіміз!

• Facebook
• Twitter
• Vkontakte