Қызға арнау

Аяулым Қамажан

Әкеңнің мініп мойынына,
Анаңның жатып қойынына,
Ержеткен ерке сәттерің,
Түсті ме қазір ойыңа?

Артыңда қалар босағаң,
Ақылын айтқан дос-ағаң,
Кетесің енді, қонақ боп,
Келгенше болшы қош-аман!
Тағдыры қыздың қиын-ай,
Қарайды қимай-қиылмай,
Жат жұртқа кетіп барасың,
Ұяңнан орын бұйырмай.

Үйіңе жаңа бар енді,
Саласың сыйлы сәлемді,
Бір қолмен тербеп бесікті,
Бір қолмен тербет әлемді!

• Facebook
• Twitter
• Vkontakte