"Бақытым" деші

Асылбек Қуанышқалиев

Мөлтілдеп аққан көзімнен
Жасымды сүртші жаныңмен...
Бір жылынып алайыншы,
Мауқыңа бассаң деміңмен.
Жанарға ыстық жас толса,
Енемін түрлі кейіпке.
Бақытқа жету жолында,
Тек сені сүю керек пе?!

"Бақытым"деші, "барым" де,
"Тек сені жаным сүйем" де...
Қос ғашық өтіп барады,
Қос жанарымның ішінде.

Маңдайдан сүйіп жылытшы,
Жаураған менің жанымды.
Кетейін бәрін ұмытып...,
Ұстасаң болды қолымды.

Қызыға қарап бақытқа,
Ғашықтар көрер түрлісін,
Тағдырдың тарпаң жолында,
Тыныштық керек біз үшін.

• Facebook
• Twitter
• Vkontakte