Сағындым әке!

Асхат Әмірғали

Қалды артыңда үлгі болып еткен ісің,
Қалықтады кеудеден көкке құсың .
Отырғызып мойныңа көтеруші ең,
Одан асқан биіктік жоқ мен үшін!

Өссін деп сары ауыз балапаным,
Атушы еді ала таңым.
Сағындым әкемнің құлыным деп ,
Сипаған алақанын.

Ұрпақ үшін түскен сан ерегеске,
Өткенді ойлап өр тұлғаң келеді еске.
Асқар тауым әкешім қасыңызда ,
Төмен тұрар Алатау, Эверестте.

Қоздағанда кеудемнің шемен мұңы,
Қолдау берген жандардың сен ең бірі.
Маған айтқан әкелік ақылыңа,
Төрт мұхиттың теңеспес тереңдігі.

• Facebook
• Twitter
• Vkontakte