Ойлай беремін

Асхат Абзалбеков

Арман адастырмағын,
Сенсің жанға сыңарым.
Жалғыз аласұрамын,
Қайдасың , жаным?!.
Мені ойлашы гүлім,
Әркез ойдасың гүлім,
Жанды жаулады мұңың,
Қайдасың , гүлім?!.
Қайырмасы :
Сені ойлай беремін,
Айтшы қайда дерегің?
Таңда үміт оятып,
Түнде мұңға кіремін.
Жаттап Төлеген жырын,
Сақтап Жібектің жырын.
Тағдыр табыстырғанша
Көнемін , гүлім .
Өмір-уақыттың гүлі,
Уақыт -бақыттың жыры.
Сезім -сенімге іңкәр,
Ғашықтың сыры.
-Күтші , келемін,-дедің,
-Өзің сенерім,-дедің.
Нендей күйге бөледің,
Жібегім менің?!.

• Facebook
• Twitter
• Vkontakte