Ғашық қызға

Алмас Өтепберген

Көкейдегі көрікті ойды ән қылып,
Өзің десе түн жымияр, таң күліп.
Басқа қызға бұйырмайтын мендегі,
Саған деген -махаббатым мәңгілік.

Сезімдерге сәнін берсе тәтті арман,
Сені іздеймін шуақ төккен шақтардан.
Саған деген сағыныштың сырлары,
Менің жұмыр жүрегімде сақталған!

Қанша айтқанмен қайталанбас қайран күн,
Жанарыңа жанымменен байландым.
Өміріме бейтаныс болып ендің де,
Жүрегімнің жартысына айналдың.

• Facebook
• Twitter
• Vkontakte