Анашым

Альфира Абдрахманова

Өмір сыйлап бастаған көшіңді алға,
Әлди әні жалғасқан ғасырларға.
Ұрпақ үшін отпенен суға түскен,
Адамзатта анадай асыл бар ма?!

Анашым-ау, анашым,
Жан қамалы, панашым.
Алтын бесік тербеткен,
Таң самалы, данашым.

Жанымызға жылу мен қуат бердің,
Жанарыңнан мөп - мөлдір шуақ көрдім.
Қатарынан қалдырмай жеткізем деп,
Біздер үшін қаншама сынақ көрдің.

Қарыздармыз бәріміз анамызға,
Өзіңіздей кім жеткен бағамызға.
Мейірлене құшақтар құлыным деп,
Ақ сүтіңді біз ақтай аламыз ба?!

• Facebook
• Twitter
• Vkontakte