Алаш орда

AlaSh18 тобы

Абылаймыз, Қабанбаймыз
Ұрпақ үшін алаңдаймыз,
Үш басты біз айдахармыз,
Жаудың бетін қайтарамыз

Ұлы жүз боп қол бастаймыз
Орта жүз боп сөз бастаймыз
Кіші жүз боп керек кезде
Көк бөрідей жол бастаймыз

Кенесары, Бөгенбаймыз
Шапырашты Наурызбаймыз
Кеудемізден жан кеткенше
Алынбайтын қамалдаймыз

Қазымбеттей қайраттымыз
Ел байрағын құлатпаймыз
Оспан ердей айбаттымыз
Жетімдерді жылатпаймыз

Біз Алашпыз, біз қазақпыз
Жеті атасын жатқа білген
Ұлан ғайыр жері үшін
Аруақтап атқа мінген

Адай, арғын, наймандармыз
Ел бағына айналғанбыз
Құдай сый ғып бере салған
Шәкәрім мен Ұлы Абаймыз

Керей, қыпшақ, қоңыратпыз.
Албан, ысты,дулаттармыз
Туған жердің бағы үшін
Кіндікпенен байланғанбыз

Жақсылардың жұрнағымыз
Өр халықтың ұрпағымыз
Қасқыр мінез жасқанбаймыз
Тәңір қолдап аспандаймыз

• Facebook
• Twitter
• Vkontakte