Сырдың сырбаз жігіттері

Ақұзақ Мұратұлы

Қасиетті топырақ Сырдың елі,
Қанша батыр, билердің жатқан жері.
Бабаларға ұқсап туған жігіттерім,
Бірі батыр, бірі ақын, бірі сері.

Сырдың сырбаз жігіттері,
Елдің ақтар үміттерін,
Ел деп соққан жүректері қандай.
Ар-намысты биік қойған,
Жаман істі жиып қойған,
Сыр елінің жігіттері сондай.
Тепсе темір үзіп тұрған,
Бойда қаны қызып тұрған,
Сыр елінің жігіттері қандай,
Қарындасты сыйлай білген,
Жақсыларды жинай білген,
Сыр елінің жігіттері сондай,
Сырдың сырбаз жігіттері сондай!

Бірін-бірі көтеріп мақтай білген,
Бәйге атындай өздерін баптай білген.
Сыр елінің жігітіне тұрмысқа шық,
Ару болса өз теңін таппай жүрген.

• Facebook
• Twitter
• Vkontakte