Туған жер

Акижанова Гүлнұр

Құстарың мәңгі ән салсын деп,
Жат қолға ілгізбедім мен.
Қызарып мәңгі қалсын деп,
Қырыңнан гүл де үзбедім мен.

Далаңның тербеп өскені,
Қызғыштай шыр айналдым көп.
Толқып бір көл де кешпедім,
Тұнығын лайлармын деп.

О, менің байтақ мекенім,
Жанымның қаршығасы сен.
Шырқағым келіп кетеді,
Жазбаған ән шығарсың сен.

Қызығың тербеуде мені,
Тарқамас той шығарсың сен.
Тулаған тар кеудедегі,
Тумаған ой шығарсың сен.

Ай маңдай алуан дарынның,
Тері боп тамшылайсың сен.
Сан жүйрік армандарымның,
Тұлпарын қамшылайсың сен.

Бақыт па ең қонған басыма,
Қиялды ойнатасың сен.
Құмар ғып ұйықтатасың да,
Қуантып оятасың сен.

Сен десе толған ағыстан,
Қалайша ақтарылмайын.
Сағынып салған алыстан,
Солдаттың хаттарындаймын.

Жауыңды кескілермін де,
Қас етпен ешкімді ешкіммен.
Бағың боп естілермін де,
Сорың боп естілмеспін мен.

• Facebook
• Twitter
• Vkontakte