Сағындым әкемді

Ақгүл Айса

Тұманды сәтінде таңымның,
Жабырқау күндерде жаным мұң.
Мәйегі балалық шағымның,
Асқар тау әкемді сағындым.

Сағындым әкемді сағындым,
Жанашыр қамқоршым сабырлым.
Өшпейтін бейнеңмен өмірде,
Демеу боп тұрасың көңілге.

Алдымда тұрасың паң күліп,
Дауысың санамда жаңғырып.
Көзімнен кетпейді күлгенің,
Жадымда қаласың мәңгілік.

Бұл күнде сіз жоқсыз сол қайғы,
Балаңыз сізге әнін жолдайды.
Ақылшы көп мынау өмірде,
Бәрібір әкеңдей болмайды.

• Facebook
• Twitter
• Vkontakte