Қызға тілек

Ұлмекен Бегалиева

Бағымның əдемі қызғалдағы
Тұрсың міне бізден ұзағалы, жан қызым.
Бөлек екен жолы қыз баланың
Қайтейін бұл жүрек сыздағанын, жан қызым
Қимайтыным болар заңдылық бір
Бара ғойшы, алда таң күліп тұр, жан қызым
Ата-анаңның берген бар тəлімін
Тəрбиесін бойда сақта гүлім, жан қызым, жан қызым.

Сен де таптың мəңгі қосағыңды, жан қызым
Қанаттандың бүгін, өз ұяңа бар, құсым.
Үлкендердің алып ақ батасын, алғысын
Бақытты бол, айым, бақытты бол, жан қызым!

"Қызың өссе, елдің көркі" деген
Қыз бақытын күллі ел тілеген, алтыным.
Отауына адал ана болғын,
Көрсетер тек үлгі, даналығын, жарқыным!Қолдай гөрсін сені Жаратқаным
Ата-анаңды жерге қаратпағын, алтыным.
Жарығысың енді серігіңнің
Нұрға бөле оның бар өмірін, əр күнін, əр күнін!

• Facebook
• Twitter
• Vkontakte